शिवछत्रपतींची शिल्पे आणि शिलालेख

गाथा शिवरायांची हे पुस्तक महाराजांच्या समकालीन व पश्चात काळातील शिल्पं, मंदिरांतील नोंदी आणि शिलालेख यांचा सखोल अभ्यास सादर करते. महाराष्ट्रापुरता मर्यादित न राहता, कर्नाटक, गोवा आणि दक्षिण भारतातील विविध ठिकाणांवरील ऐतिहासिक पुराव्यांचे दस्तऐवजीकरण यात केले आहे.

या ग्रंथात छत्रपती शिवाजी महाराजांच्या जीवनाशी संबंधित १२ महत्त्वाची शिल्पे आणि १० प्रमुख शिलालेख यांची रंगीत छायाचित्रांसह सविस्तर माहिती, मूळ मजकूर आणि अर्थ स्पष्ट करून दिला आहे. रायगड, राजगड, प्रतापगड, सिंधुदुर्ग तसेच तामिळनाडू, कर्नाटक आणि गोवा येथील अनेक दुर्मिळ संदर्भ या पुस्तकात समाविष्ट आहेत.

पुस्तकातील मुख्य वैशिष्ट्ये :

• छत्रपती शिवाजी महाराजांच्या काळातील १२ ऐतिहासिक शिल्पांचे वर्णन
• भारतातील विविध भागांतील १० महत्त्वाचे शिलालेखांचे दस्तऐवजीकरण
• महाराष्ट्र, कर्नाटक, गोवा आणि दक्षिण भारतातील स्थळांचा समावेश
• रंगीत छायाचित्रे, नकाशे आणि तांत्रिक माहिती
• शिलालेखांचा मूळ मजकूर आणि त्याचे अर्थ स्पष्ट करून दिले आहेत

महत्त्वाचे शिलालेख :

• रायगड – व्याडेश्वर मंदिरातील शिलालेख
• गोवा – सप्तकोटिश्वर मंदिराचा जीर्णोद्धार शिलालेख
• शिखर शिंगणापूर मंदिर परिसरातील शिलालेख
• प्रतापगड – भवानीदेवी मंदिर पायरीवरील शिलालेख
• राजगड – पाली दरवाजावरील शिलालेख
• तंजावर – बृहदीश्वर मंदिर परिसरातील शिलालेख
• कर्नाटक – भद्रापूर येथील दानधर्म व नेमणुकांचे शिलालेख
• तामिळनाडूतील विविध किल्ल्यांवरील ऐतिहासिक उल्लेख